Breaking News : वाचा शुक्रवार १४ जून २०२४ च्या सर्व ब्रेकिंग न्यूज आणि महत्त्वाच्या बातम्या एकाच ठिकाणी (2024)

Mumbai News: कंबोज यांच्या पोस्टने राजकीय वर्तुळात खळबळ

भारतीय जनता पक्षाचे नेते मोहित कंबोज यांनी शुक्रवारी सोशल मीडियावर केलेल्या पोस्टने राजकीय वर्तुळात विविध चर्चा सुरू आहेत. मुंबई महानगरपालिकेतील एका अतिरिक्त आयुक्तांचा संदर्भ देत सरकार अडचणीत येईल, अशी भीती यात व्यक्त केली आहे. त्यामुळे मुख्यमंत्री एकनाथ शिंदे यांनी याप्रकरणी लक्ष घालण्याची मागणी करतानाच लवकरच या अधिकाऱ्याचे नाव आणि त्यांच्या विरोधातील पुरावे जाहीर करणार असल्याचा दावा कंबोज यांनी यावेळी केला आहे.

अवयव प्रत्यारोपणासाठी सांगली ते पुणे ग्रीन कॉरिडॉर

सांगली जिल्ह्यातील वाळवा तालुक्यामधील बोरगाव येथील ब्रेनडेड झालेल्या रुग्णाचे यकृत ग्रीन कॉरिडॉर करत पुण्याला रवाना करण्यात आले. अवघ्या अडीच तासांमध्ये सांगलीतून पुण्यामध्ये हे यकृत पोहोचविण्यात येणार आहे. शिवाजी नाईक या 62 वर्षीय वृद्धाला खासगी रुग्णालयामध्ये उपचारासाठी दाखल करण्यात आले होते. प

महानगरपालिकेत आयुक्तपदाच्या खुर्चीवरून अधिकाऱ्यांमध्ये वाद, दोन खुर्ची लावून कामाला सुरुवात

Nagpur News: चामुंडी एक्सप्लोसिव्ह स्फोट प्रकरण: कंपनी मालक आणि व्यवस्थापकाला अटक

नागपुरातील धामना येथील चामुंडी एक्सप्लोसिव्ह कंपनीत झालेल्या भीषण स्फोटाप्रकरणी कंपनीच्या मालक आणि व्यवस्थापकाला पोलिसांनी ताब्यात घेतले आहे. आज न्यायालयाने दोघांनाही प्रत्येकी ५० हजार रुपयांच्या वैयक्तिक जातमुचलक्यावर जामीन मंजूर केला. गुरुवारी दुपारी झालेल्या या अपघातात सहा जणांचा मृत्यू झाला, तर चार जण गंभीर जखमी झाले असून त्यांच्यावर रुग्णालयात उपचार सुरू आहेत.

Kolhapur News: जमिनीसाठी कोल्हापुरातील शेतकऱ्याचे गेल्या २२ वर्षांपासून लढा; प्रशासनाचे दुर्लक्ष मात्र पालकमंत्र्यांनी अखेर आश्वासन देत घातले लक्ष

कोल्हापूर जिल्ह्यातील एका गावात एकाच नावाचे तीन शेतकरी.. एकाच नावामुळे गेली बावीस वर्षे जमिनीसाठी सुरू झाला खेळ. एकाच नावाच्या घोळामुळे प्रशासनांना ताब्यात घेतलेल्या जमिनीसाठी सुरू आहे गेल्या बावीस वर्षांचा लढा..कोल्हापूरच्या बेलेवाडीचा एक शेतकरी 22 वर्षे शासनाच्या विरोधात लढा देतोय. एकाच गावात हरी लक्ष्मण पाटील नावाचे तीन शेतकरी आहेत. त्यापैकी एकाच्या नावावर इतर दोघांच्या जमिनीची नोंद झाली. त्यामुळे एका हरी लक्ष्मण पाटील या शेतकऱ्याच्या नावावर अधिक क्षेत्र दिसू लागले. याचा फटका प्रकल्पग्रस्तांचे पुनर्वसन करताना झाला.

Ratnagiri News: लोकसभेनंतर कोकणात विधानसभेचे वारे

लोकसभेनंतर कोकणात विधानसभेचे वारेगुहागर विधानसभा मतदारसंघातून आपण इच्छुकविक्रांत जाधव यांचे निवडणूक लढवण्याचे स्पष्ट संकेत

Nilesh Lanke: गजा मारणे याच्याशी झालेली भेट हा केवळ अपघात होता, मला त्याची पार्श्वभूमी माहिती नव्हती, खासदार निलेश लंके यांचे गजा मारणे भेटीबाबतीत स्पष्टीकरण

Washim News: मोहगव्हाण येथे अवैध दारू विक्रीच्या अड्डयावर पोलिसांनी केली कारवाई, तब्बल 5 लाख रुपये किमतीचा मुद्देमाल पोलिसांकडून जप्त

Jalgaon News: नदीत बुडालेल्या तीन लेकराची पार्थिवं १० दिवसांनी जळगावात

Kalyan News: कल्याणातील शिवकालीन दुर्गाडी किल्ल्याच्या बुरुजाचा भाग ढासळला, संबंधित विभागाच्या अधिकाऱ्यांनी केली पाहणी

Ratnagiri News: कोकण पश्चिम महाराष्ट्रातील कोल्हापूर जोडणारा महत्त्वाचा घाट असलेला अनुस्कुरा घाटात कोसळलेली दरड बाजूला करण्यात यश, ब्रेकर लावून दगड फोडून दरड सारली बाजूला

CM Eknath Shinde, Varsova: पाणीपुरवठा योजनेच्या टनलचे काम सुरू असताना मातीचा मलबा कोसळून झालेल्या दुर्घटनेत जेसीबी चालक दबला गेला. या घटनास्थळी आज मुख्यमंत्री एकनाथ शिंदेंनी केली पाहणी

MahaRERA: राज्यातील गृहप्रकल्पांना 'महारेरा'चा दणका; १७५० प्रोजेक्टची नोंदणी स्थगित, कारण...

‘महारेरा’च्या या नियमाचा भंग केल्याबद्दल आणखी ११३७ प्रकल्पांवर कारवाईचा बडगा ‘महारेरा’ने उगारला असून, त्यांचीही नोंदणी स्थगित करण्याची कारवाई सुरू केली आहे. वाचा सविस्तर

Nilesh Lanke: नगर दक्षिणचे खासदार निलेश लंके यांनी घेतली कुख्यात गुंड गजानन मारणेची भेट, गजानन मारणेने केला लंकेंचा सत्कार

TRAI Charges: फोन नंबर वापरण्यासाठी अधिकचे पैसे मोजावे लागणार; न वापरल्यास दंड आकारणार?

मोबाईल वापरताय? मग ही बातमी वाचाच. तुम्हाला मोबाईल नंबरसाठी अधिकचे पैसे मोजावे लागणार आहेत. आतापर्यंत आपण फोन नंबरच्या रिचार्जसाठी पैसे देत होतो. पण लवकरच आपल्याला मोबाईल आणि लँडलाईन नंबर ठेवण्याचा देखील आर्थिक भार उचलावा लागणार आहे. वाचा सविस्तर बातमी

EPF Withdrawal: नोकरदारांनो, PF खात्यातून पैसे काढण्याची करू नका घाई; तर भरावा लागणार TAX

EPFO द्वारे सुरू करण्यात आलेल्या कर्मचारी भविष्य निर्वाहनिधी योजनेद्वारे कर्मचारी निवृत्तीनंतर आयुष्यासाठी निधी जमा करू शकतात. EPF खात्यातून पैसे काढण्यासाठी काही कठोर अटी आहेत, ज्याचे पालन करून ईपीएफ खात्यातील पैसे कर्मचारी काढू शकतो, पण वेळेपूर्वीच PF मधून पैसे काढल्याने कर दायित्वही लागू होते. वाचा सविस्तर बातमी

Pratibha Dhanorkar: तिकीट कापण्यासाठी पक्षातूनच सुपारी; कुणाचंही नाव न घेता प्रतिभा धानोरकरांचा आरोप

खासदार म्हणून निवडून आल्यानंतर धानोरकर यांच्या सत्कारानिमित्त सभा आयोजित करण्यात येत आहेत. राजुरा शहरात बुधवारी रॅली काढून सभा घेण्यात आली. यात धानोरकरांनी बोलताना स्वपक्षातील नेत्यावर आरोप केला आहे. वाचा सविस्तर बातमी

Pankaja Munde, OBC Samaj: भाजपा नेत्या पंकजा मुंडे यांचं राजकीय पुनर्वसन करा अन्यथा ओबीसी समाज... नगरमध्ये झळकले ओबीसी समाजाचे इशारा देणारे बॅनर

भाजपा नेत्या पंकजा मुंडे यांचं राजकीय पुनर्वसन करा अन्यथा ओबीसी समाज भाजपासह सत्तेत असलेल्या पक्षांना मतदान करणार नाही, असा इशारा देणारं बॅनर अहमदनगरच्या पांढरी पूल फाटा येथे लावण्यात आलं आहे.

BJP Meet: भाजपची मुंबई प्रदेश कार्यालयात बैठक; उपमुख्यमंत्री देवेंद्र फडणवीस, चंद्रशेखर बावनकुळे आणि चंद्रकांत पाटील राहणार उपस्थित

Sillod Abdul Sattar: अब्दुल सत्तार यांची मंत्रिमंडळातून हकालपट्टी करा, भारतीय जनता पार्टीच्या सिल्लोड शहराध्यक्षाची मागणी

Vegetable Price: पाऊस सुरु झाल्याने बाजारात भाज्यांची आवक घटली, दर वधारले, सर्वसामान्यांच्या खिशावर पुन्हा भार

Raj Thackeray Birthday : राज ठाकरेंच्या वाढदिवशी मनसे कार्यकर्त्यांचा जल्लोष, शिवतीर्थाबाहेर केक कापला

मनसे अध्यक्ष राज ठाकरे यांचा आज (१४ जून) वाढदिवस. महाराष्ट्र नवनिर्माण सेनेच्या कार्यकर्त्यांनी मध्यरात्री बारा वाजताच राज ठाकरेंच्या वाढदिवसाचा जल्लोष सुरु केला. समर्थकांनी राज ठाकरे यांचे निवासस्थान असलेले शिवतीर्थ गाठलं. यावेळी राज ठाकरे यांनी चाहते आणि कार्यकर्त्यांनी आणलेला केक कापला.

Onion Price: 'नाफेड'चे अधिकार गोठवले; कांद्याचे दर आता वाणिज्य मंत्रालय ठरविणार, शेतकऱ्यांचा फायदा की तोटा?

यापुढे वाणिज्य मंत्रालय आठवडाभरासाठी कांद्याचे दर ठरवून देणार आहे. वाणिज्य मंत्रालयाकडून सद्यस्थितीत आठवडाभरासाठी जो दर कांद्यास जाहीर करण्यात आला तो दर बाजार समित्यांच्या तुलनेने कमी असल्याने कांदा उत्पादकांनी नाफेड आणि ‘एनसीसीएफ’च्या खरेदी केंद्रांकडे पाठ फिरविल्याचे चित्र आहे. वाचा सविस्तर बातमी

Mumbai News: मुंबईत इमारतींवर 'होर्डिंग'बंदी, नवीन जाहिरात फलक धोरण ऑगस्टमध्ये

महापालिकेच्या मुख्यालयात अतिरिक्त आयुक्त अश्विनी जोशी यांच्या उपस्थितीत गुरुवारी ‘होर्डिंग असोसिएशन’ची बैठक पार पडली. यात नवीन जाहिरात धोरणाचा आढावा घेण्यात आला. तीन असोसिएशनसह महापालिकेचे अधिकारी उपस्थित होते. वाचा सविस्तर बातमी